haq vafa ka jo ham jatane lage ap kuchh kahake muskurane lage urdu poetry



haq vafa ka jo ham jatane lage
ap kuchh kahake muskurane lage

ham ko jina paDega furqat men
vo agar himmat azamane lage

Dar hai meri zubaN na khul jaye
ab vo baten bahut banane lage

jan bachati nazar nahin ati
Gair ulfat bahut jatane lage

tum ko karana paDega uzr-e-jafa
ham agar dard-e-dil sunane lage

bahut mushkil hai sheva-e-taslim
ham bhi aKhir ko ji churane lage

vaqt-e-ruKhsat tha saKht "Hali" par
ham bhi baiThe the jab vo jane lage

Popular posts from this blog

aah ko chahiye ek umar asar honay tak kaun jeta hai terii zulf ke sar hone tak

Zulm phir zulm hai, barhta hai to mit jaataa hai khoon phir khoon hai, tapkega to jam jaayega

Dil Se Jo Baat Nikalti Hai Asar Rakhti Hai Par Nahin Taaqat-e-Parwaaz Magar Rakhti Hai